ACTIVIDADES LLINGUA Y LITERATURA ASTURIANA

CADAVÉU / PUERTU VEGA

El 28 de mayu y con bon tiempu, l’ álumnáu de Llingua Asturiana viaxó al occidente d’Asturies. La primera parada fue en Cadavéu pa visitar la casa natal del escritor Padre Galo (Cadavéu 1884-1939). Acompañonos como guía María Regla Rico presidenta de la Asociación de Amigos del Camín de Santiago Valdés-L.luarca y miembro de la Asociación de la Regalina. Gran conocedora de la hestória de Cadavéu.cuntonos hestories abondo guapes y aprendiónos a baillar la danza prima con un canciu típicu dedicáu a la Vírxen de Riegla.

La fiesta de la Regalina celébrase l’últimu domingu d’ agostu y ta declará d’interés turísticu rexonal. Fue un luxu disfrutar del entornu de la ermita con maravilloses vistes de la rasa costera.Y dempués de tantes actividades que meyor sitiu pa xinar un bocadiellu. Darréu emprendemos viaxe rumbu a Puertu de Vega onde visitamos el muséu etnográficu Juan Pérez Villamil, allugáu na antigua fábrica de conserves L’ Arenesca. Pretende ser un homenaxe a la vida marienera y campesina,y a la emigración .Contién una cuidada recreación de lo que fueron los modos de vida tradicionales, los oficios artesanos y lo que significó pa Puertu de Vega la industria conservera de pescáu.

Begoña ye la guía del muséu y también nos acompañó na visita pel pueblu,y onde fue cuntándonos hestories de cada rincón de la villa marinera, como ‘l puertu pesqueru con almenes centenaries, el mirador del Baluarte con cañones del S. XVIII, el mirador de la Riba, recuerdu de los vieyos pescadores balleneros, les capilles de L’ Atalaya, les casones blasonaes como la de Trelles y onde morrió l’ ilustráu Melchor Gaspar de Xovellanos (1744-1811).Fue un día perprestosu y dempués de tanto caleyar volvemos a Uviéu.