CONCURSU DE MICRORELLATOS "ENTAÍNA"

El miércoles 5 d´ochobre tuvo llugar la sétima edición del concursu de microrellatos “Entaína a escribir” na Sala Borrón, n´Uviéu.

Esti concursu ta convocáu poles direiciones xenerales de la Mocedá y Política llingüística pudiendo presentase persones ente 14 y 36 años.

L´institutu Peñamayor de Nava vióse representaú por Mael Antolín de 1ºBach, y Zaira Francisco y Naiara Suárez de 4º ESO.

A los concursantes diéron-yos una frase al entamu y teníen que crear un microrellato basándose nella, teníen una hora pa escribilo.

Los nuestros valientes nun resultaren premiáos. Sicasí los organizadores y el xuráu acercáronse al profesor d´asturianu pa dici-y que pa la próxima convocatoria diben facer dos categoríes: una de 14 a 20 años y otra de 20 a 36 ya que la mayoría de los que se presentaren teníen más de 25 años y nun víen xusto que tuvieren que competir na mesma categoría.

Mael, Zaira y Naiara nun marcharen coles manes vacíes. Llevaron pa casa un cómic, una axenda y ganes de volver pal próximu añu.