Pasámosvos información de los talleres de branu del conceyu de Xixón (entamaos dende la Oficina de Normalización) nos que tovía queden places:

⛈☀️🌈🌬 ¿VA LLOVER GÜEI? - TALLER DE METEOROLOXÍA N’ASTURIANU
Nesti taller de meteoroloxía vamos investigar los fenómenos que se producen na atmósfera: vamos diferenciar ente tiempu y clima, vamos observar el sol y les nubes y vamos descubrir el procesu del ciclu del agua y les dinámiques del aire, en qué consiste la presión atmosférica y por qué sube y baxa la temperatura. Pa saber cómo se miden toos estos fenómenos y cómo poder usar los datos rexistraos, vamos xenerar les nuestres tables y guíes meteorolóxiques, amás de dalgunos aparatos de midición, construyendo, asina, la nuestra propia estación meteorolóxica casera.
Feches: 29 de xunetu a 2 d’agostu (5 sesiones). De 11 a 13 h. Aula 2 del CCAI.
Edaes: de 9 a 12 años | Places: 10 | Preciu: 10 €
Enllaz p'apuntase: https://acortar.link/imuQ59

🔭🪐🌙💫 VIAXE CÓSMICU – TALLER DE CONOCIMIENTU DEL ESPACIU N’ASTURIANU
Nesti taller vamos mirar más p’allá del nuestru cielu, pa conocer l’espaciu cercanu qu’arrodia’l nuestru planeta, el sistema solar cola so estrella, los planetes, los sátelites y dellos astros que lu conformen; pero tamién el más llonxanu, p’adientranos en galaxes, del viaxe de la lluz, de furacos negros y de materia oscuro. Vamos falar de clases d’estrelles y sistemes solares, cómo nacen y en qué se convierten cuando muerren. De cómo se deteuten los planetes de fuera del nuestru sistema solar y de si ye posible la vida nellos. De les distancies enormes y de cómo les midimos. Y, tamién, del interés del ser humanu pol cosmos, dende la observación direuta a los radiotelescopios más modernos, pasando pela carrera espacial p’hacia la Lluna y Marte.
Y, pa completar, ente otres coses, vamos facer los nuestros mapes estelares, vamos crear les nuestres estrelles y constelaciones, vamos recrear sistemes solares colos nuestros planetes particulares y vamos fabricar el nuestru Sputnik.
Feches: 5 a 9 d’agostu (5 sesiones). De 11 a 13 h. Aula 2 del CCAI.
Edaes: de 6 a 9 años | Places: 10 | Preciu: 10 €
Enllaz p'apuntase: https://acortar.link/N7ABcP

HAZ CLIC EN ELLA PARA AMPLIAR LA IMAGEN