Hestoria del Lloréu
05/08/22
El Colexu Lloréu, ye un colexu públicu históricu de Xixón (Asturies), fundáu en 1987 nes instalaciones de los antiguos colexos Virgen del Mar y Sagrado Corazón. Imparte enseñanza n'educación primaria y recueye escolinos de la Escuela Infantil Miguel Hernández. Ta asitiáu nel Camín del Cortixu, na llinde del Natahoyo con La Calzada.
Según menta l'ex director Jovino López nel cursu 1972/1973 constitúyese'l Colexu Nacional de E.G.B. Santa Olaya-Natahoyo. Taba nel allongamientu de Dos de Mayu, 2. El colexu tenía de tener dependencies en dos llugares, a unu llámen-y La Escuelona y al otru La Constructora.
N'ochobre y payares del 72 al colexu lléguen-y comunicaciones oficiales municipales cola denominación de Colexu Nacional o Grupu Escolar de GARMORE, cola dirección d'Allongamientu de Dos de Mayu.
A 30 de payares de 1972 el colexu cuntaba con un total de 403 alumnos, 353 neñes y 50 neños, dende primeru hasta octavu, anque en realidá en séptimu solamente había cinco neñes y una n'octavu, y nengún neñu nestos cursos. Eso quiciabes se deba a que convivía'l sistema antiguu d'Enseñanza Primaria xuntu col nuevu d'Enseñanza Xeneral Básica. Esos cinco neñes seique enllargaron la so escolaridá ente que'l restu pasaría al Institutu.
Llama l'atención l'escasu númberu de neños qu'aumenta a midida que mengua la edá: 1 en sestu, 4 en quintu, 7 en cuartu, 9 en terceru, 10 en segundu y 19 en primeru. Lo que nos fai pensar que la mayoría de los neños asistiríen al Sagráu Corazón.
En payares de 1973 el colexu yá se denomina "Colexu Nacional Virxe del Mar", ensin que sepamos pel momento en qué fecha esacta foi'l cambéu de nome.
Nesos años la directora yera Marifé Bustos Flórez.
El Colexu Sagráu Corazón debió empezar a furrular nel edificiu del actual Centru de Profesores nel cursu 1974/75 colos alumnos mayores ente que los demás siguíen nes anteriores dependencies. Con tal nome paez yá empezó a furrular antes cuidao que un alumnu caltién les notes de primeru del cursu 1972/73 onde figura'l nome de Sagráu Corazón. En payares de 1973 el colexu yá se denomina "Colexu Nacional Virxe del Mar", ensin que sepamos pel momento en qué fecha esacta foi'l cambéu de nome.
En realidá'l nome de Sagráu Corazón foi puesto polos Xesuites. Esta yera la escuela preparatoria, para dempués estudiar Maestría Industrial nel Revillaxixéu.
Daqué parecío asocedió col colexu Virxe del Mar qu'entamó a furrular nel cursu 1974/75 nes dependencies del actual Colexu Lloréu, onde los escolines estudiaben n'otres dependencies. Esti colexu, que vien del Colexu Nacional Mistu, volvió ser femenín, hasta principios de la dómina de los 80. Gracies a la influencia d'un cura de la zona, consiguiose, nel añu 1974, que en los colexos nesta nueva ubicación, pudieran deprender tanto a los escolinos como a les escolines.
El Colexu Sagráu Corazón pasó a llamase Colexu Públicu "Lloréu" en la primera metá de 1987.
En setiembre de 1988 xurde'l Colexu Natahoyo II" de la xunta alministrativa de los Colexos Virxe del Mar y El Lloreu.
El direutor del colexu unificáu foi Ramón Pérez Pérez.
El colexu unificáu Natahoyo II volvió camudar el so nome y mientres el cursu siguiente 1989/90 yá apaez como Colexu Públicu Lloréu.
El primer direutor del nuevu colexu "Lloréu" siguió siendo Ramón Pérez, y nel cursu 1990/91 foi sustituyíu por Antonio José Pérez Barriu, que morrió al acabar el cursu en xunu de 1991.
Actualmente el colexu tien 197 estudiantes y 17 mayestros. Su direutora ye Milagros González Neira.
Adscripción a centros
El Lloréu tien como centru de Secundaria adscritu l'Institutu Emilio Alarcos de Xixón xunto los colexos públicos Santa Olaya y Atalía. Los sos escolinos vienen de la Escuela Infantil Miguel Hernández.
