En “El Pascón” ganamos premios l.literarios col asturianu. El “XX Certame l.literariu César Feito” de Tinéu dexó na nuesa escuela dellos premios ente los que s’encuentra un rellatu ganador: “El monte salváu” de Lucía Rguez. Mon, que tamién quedóu segunda nel “Concursu l.literariu Valle del Ese Entrecabos” sofitáu pol conceyu de L.luarca.

Ente los 132 trabayos presentaos al concursu tuvimos abondos premios na nuesa escuela. Tien el primer premiu de la Categoría B (9 a 12 años) la nuesa alumna de quintu cursu Lucía Rodriguez Mon col sou rellatu “El monte salváu”, un rellatu d’aventuras de los animalinos d’un monte a los que-ys pasa de too.

Además, nesta escuela cayenon otros tres premios “accésit” a los alumnos de sextu cursu Renato, Asier ya Ángel Mon con “Tres amigos ya mediu”, a otru alumnu de sextu, Pablo López, con “El tractor mariel.lu” ya a la escolina de segundu cursu, Adriana, con “Unos collacios”.