OLIMPIADA DE REDAICIÓN URBANO RODRÍGUEZ

 El vienres 18 de payares nel salón d´actos del IES Peñamayor de Nava aconceyáronse una quincena d´alumnos de 1º,2º y 4ºESO pa participar na Olimpiada Escolar de Redaición Urbano Rodríguez. A les 10 de la mañana contactamos cola Academia de la llingua n´Uviéu atraviés de Teams. Presentáronse a la convocatoria una decena d´institutos d´Asturies. Diéron-yos como tema pa la redaición el cambeu climáticu y tuvieron una hora pa escribir. Fueron seleicionáes tres redaiciones.

Les redaiciones de Javier Melendi y Favila Velasco de 2º ESO y Naiara Suárez de 4ºESO. Estes fueron unviáes a la Academia de la Llingua n´Uviéu. Y d´ente elles fueron escoyíes pa la final la de Favila y la de Naiara.

Final

El 21 de payares Favila y Naiara asistieron a la final de la Olimpiada na Academia de la llingua asturiana, n´Uviéu, xunto colos finalistes del IES Sta Bárbara, l´IES de Pravia, el CPEB de Cabanaquinta. Favila Velasco ganó´l segundu premio, y el trabayu de Naiara Suárez resultó´l tercer más votáu.

Los premios fueron entregaos por Ana Cano y Xose Antón González de Riaño, actual presidente de la ALLA